Актёр Йигитали Мамажонов Instagram’даги саҳифасида актриса Ситора Алимжонова билан тушган навбатдаги суратини эълон қилди. Сурат остида Йигитали: «Яқинда янги фильм!», — деб изоҳ қолдирилган.
Йигитали Мамажонов ҳамкасби Ситора Алимжонова билан тушган суратларини биринчи марта эълон қилаётгани йўқ.
Бир муддат аввал Йигитали чимилдиққа ўхшаш жойда ўтиргани, ёнида юзини рўмол билан яширган қиз акс этган суратни эълон қилган эди.
Кейинроқ актёр бу ишчи номи «Бегуноҳ» бўлган фильмнинг тасвирга олиш жараёнидан лавҳа эканини, унда актриса Ситора Алимжонова билан бирга суратга тушаётганини маълум қилган эди.
Маълумот учун, Йигитали Мамажонов 2012 йилнинг ноябрида хонанда Райҳон Ғаниева билан оила қурган эди. 2014 йил май ойида жуфтлик эгизак фарзандли бўлди, 2015 йил январида эса Райҳон ажрашишга ариза бергани, 2016 йил майида эса Йигитали ва Райҳоннинг никоҳи қонунан бекор қилингани маълум бўлди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)