Тошкентда 2016 йил майида тақдим этилган Motorola Moto G4 смартфони сотила бошлади, деб ёзади «Mobinfo.uz». Нарх ва сифат кўрсаткичлари мувофиқлиги туфайли телефон Ғарб мамлакатларида «бюджет қироли» деб ном олди.
Motorola Moto G4 5,5 дюймли ва 1920×1080 пикселли Full HD экран, саккиз ядроли Qualcomm Snapdragon 617 процессори, 2 Гб тезкор ва 16 Гб ички хотира (+microSD), 13 мегапикселли асосий ва 5 мегапикселли олд камера, 3000 мА/соат сиғимли аккумуляторга эга.
Қурилмада Turbo Charging тезкор қувват олиш функцияси бўлиб, у 15 дақиқа ичида батареяни 6 соат давомида автоном режимда ишлаш учун етарли бўлган заряд билан тўлдиради.
Пойтахтдаги «Флешка» савдо мажмуасида Moto G4’нинг 16 гигабайтли версияси 1 235 000 сўм, 32 гигабайтлиси эса 1 365 000 сўмдан сотилмоқда.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)