Американинг Forbes журнали 10 август, чоршанба куни IT-технологиялар соҳасидаги 100 нафар энг бой миллиардерлар рейтингини эълон қилди, деб ёзади «РБК».
Forbes бундай рейтингни иккинчи марта тузмоқда. 2015 йилдаги каби, бу йил ҳам биринчи ўринни Microsoft компанияси асосчиларидан бири Билл Гейтс 78 миллиард долларлик давлати билан эгаллади.
Иккинчи ўринда Amazon.com интернет-компанияси раҳбари ва Blue Origin аэрокосмик компанияси асосчиси Жефф Безос жойлашди. Унинг бойлиги 66 миллиард долларга баҳоланмоқда. Биринчи учликка Facebook асосчиси Марк Цукерберг якун ясади (давлати — 54 миллиард доллар).
Ундан кейинги ўринларни Oracle ҳамасосчиси Ларри Эллисон (51,7 миллиард доллар), Google асосчилари Ларри Пейж ва Сергей Брин (39 ва 38,2 миллиард доллар), Microsoft таъсисчиларидан бири Стив Балмер (27,7 миллиард доллар), Alibaba Group ҳамасосчиси Жек Ма (25,8 миллиард доллар), Tencent раҳбари Ма Хуатен (22 миллиард доллар) эгаллади. Рейтингнинг ўнинчи поғонасида Dell асосчиси Майкл Делл (22 миллиард доллар) жойлашди.
Рўйхат иштирокчиларининг умумий бойлиги бир йилда 6 фоизга кўпайиб, 892 миллиард долларни ташкил этди. Шу билан бирга, рўйхатдаги 27 миллиардер бир йил ичида камбағаллашди. 2016 йилги рейтингда 12 янги иштирокчи пайдо бўлди.
Изоҳ (0)