Toshkentda 2016-yil mayida taqdim etilgan Motorola Moto G4 smartfoni sotila boshladi, deb yozadi “Mobinfo.uz”. Narx va sifat ko‘rsatkichlari muvofiqligi tufayli telefon G‘arb mamlakatlarida “byudjet qiroli” deb nom oldi.
Motorola Moto G4 5,5 dyuymli va 1920×1080 pikselli Full HD ekran, sakkiz yadroli Qualcomm Snapdragon 617 protsessori, 2 Gb tezkor va 16 Gb ichki xotira (+microSD), 13 megapikselli asosiy va 5 megapikselli old kamera, 3000 mA/soat sig‘imli akkumulyatorga ega.
Qurilmada Turbo Charging tezkor quvvat olish funksiyasi bo‘lib, u 15 daqiqa ichida batareyani 6 soat davomida avtonom rejimda ishlash uchun yetarli bo‘lgan zaryad bilan to‘ldiradi.
Poytaxtdagi “Fleshka” savdo majmuasida Moto G4’ning 16 gigabaytli versiyasi 1 235 000 so‘m, 32 gigabaytlisi esa 1 365 000 so‘mdan sotilmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)