АҚШда PricewaterhouseCoopers (PwC) юридик компаниясига нисбатан унинг тарихидаги энг йирик суммадан иборат даъво қўзғатилди. Бу ҳақда «РБК» хабар бермоқда.
Даъво суммаси 5,5 миллиард доллардан иборат бўлиб, уни ипотека кредити билан шуғулланган ва ҳозирда касодга учраган Taylor, Bean & Whitaker (TBW) компаниясининг ишончли вакили қўзғади. Юридик компания TBW асосчиси Ли Фаркашнинг Colonial Bank раҳбарлари билан бир неча миллиардлик ўзаро келишувини пайқамаганликда айбланмоқда. Даъвога кўра, PwC 2002—2008 йилларда банкнинг бош компанияси Colonial BancGroup аудитини ўтказган ва камчиликлар топмаган. 2009 йилда эса Colonial BancGroup касодга учраган. Taylor, Bean & Whitaker ишончли вакилига кўра, PwC Colonial Bank’нинг 1 миллиард доллардан ортиқ активлари борлигини тасдиқлаган, аслида эса бунча маблағ бўлмаган.
Ўз навбатида, PwC адвокатлари компаниялари Taylor, Bean & Whitaker билан ҳеч қачон алоқада бўлмаганлиги ва унинг учун аудит ўтказмаганлигини билдирди. Уларнинг таъкидлашича, компания касод бўлгунча 7 йил давомида аудитини ўтказиб келган Deloitte & Touche ҳам TBW фаолиятида бирон-бир камчиликларни аниқламаган.
Изоҳ (0)