Улкан китлар денгиз сутэмизувчиларини оч косаткалардан қутқаради ва олимлар ҳозирча бунинг сабаби нима эканини ишонч билан айта олмаяпти. Улкан китларнинг ёрдамга келишининг 100 дан ортиқ ҳолатлари кузатилган. Marine Mammal Science журналидаги сўнгги тадқиқотларга кўра, китлар денгиз мушукларини ҳимоя қилади, кулранг китларнинг йўқолган болаларини оналарига йўналтиради ва шу билан бирга косаткаларни ҳайдайди. TJournal улкан китлар нима сабабдан океан суперқаҳрамонларига айланганининг бир нечта мисолини келтирди.
Китлар шунчаки косаткаларга қаршилик қилмайди. Катта ҳажмга эга бўлишига қарамай, уларнинг ўзи ҳам йиртқичларга егулик бўлиши мумкин. Балки шу сабабли ҳам улар ўз болалари ва уруғларини ҳимоя қилишга ошиқади. Китлар асосан Калифорния денгиз мушуклари, тюлен ва кулранг китларга ёрдам беради. Олимларнинг фикрича, улкан китлар тасодифан қаҳрамонларга айланади. Улар косаткалар ҳужумига учраган жонзотларнинг овозини эшитиб, ўз уруғлари хавф остида қолган деб ҳисоблайди. Китлар ёрдамга боради, косаткаларни ҳайдагандан сўнг эса кулранг кит ёки денгиз мушуги қутқарилгани аён бўлади.
Олимларнинг иккинчи версиясига кўра, улкан китларда альтруизм (ғамхўрлик кўрсатиш) ҳисси мавжуд. Ҳайвонот оламида қуш ва маймунларда ҳам шундай альтруизм учраб туради. Улар ҳам ўз полапонлари ва болаларини ҳимоя қилади. Аммо бу ҳолат ҳали ўрганилиши керак бўлса-да, олимлар улкан китлар орасида альтруизм борлигига шубҳа қилмаяпти.
Изоҳ (0)