Тошкент аэропортининг янги йўловчи терминали — «Тошкент-4»ни қуриш бўйича лойиҳа техник-иқтисодий асосини ишлаб чиқиш ишлари якунига етди. Бу ҳақда «Ўзбекистон ҳаво йўллари» миллий авиакомпанияси матбуот хизмати хабар бермоқда.
Лойиҳа техник-иқтисодий асоси 2016 йилнинг январь июль ойлари давомида ишлаб чиқилди. Ҳужжатни тайёрлаш асносида Жанубий Корея томони Тошкент аэропорти ва Ўзбекистон авиация соҳасининг жорий ҳолати, ривожланиш истиқболларини баҳолаш ва «Тошкент-4» халқаро йўловчи терминалини қуриш концепцияси ишлаб чиқиш бўйича катта ҳажмда иш олиб борган.
«Тошкент аэропортининг янги халқаро йўловчи терминали («Тошкент-4»)ни қуриш» лойиҳаси 2015—2019 йилларга мўлжалланган Муҳандислик-коммуникация ва йўл-транспорт инфратузилмасини ривожлантириш ва модернизация қилиш дастурига мувофиқ амалга оширилмоқда. 2016 йилда лойиҳа техник-иқтисодий асосини ишлаб чиқиш, келишиш ва тасдиқлаш, молиялаштириш ва қурилиш-монтаж ишларини бошлаш кўзда тутилган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)