Рим папаси Франциск Польшанинг Ченстохова шаҳридаги ибодат чоғида йиқилиб тушганини Мадонна тимсолига маҳлиё бўлиб қолгани билан изоҳлади, деб ёзади «Корреспондент.net». У бу ҳақда 1-август куни журналистларга маълум қилди.
«Мен Мадонна тимсолига қараб қолдим ва қадам ташлашни унутдим. Мен ўзимга йиқилишга қўйиб бердим, бу эса мени қутқариб қолди. Агар йиқилишдан қочишга уринганимда, шикастланган бўлардим», — деди понтифик.
Нашр эслатишича, ҳодиса 27 июль куни юз берганди. Ўшанда йиқилиб тушган 79 ёшли Францискка бошқа руҳонийлар ёрдамга келиб, ўрнидан турғизган эди.
Аввалроқ Рим Папаси Франциск I «Барселона» клуби ҳужумчиси Лионель Мессини собиқ футболчилар Марадона ва Пеле билан таққослаб, «Месси Пеледан ҳам, Марадонадан ҳам кучли», — деган фикрни билдирган эди.
Изоҳ (0)