Тошкентда ОТМларга кириш имтиҳонлари сабаб шаҳарнинг қатор кўчаларида транспорт ҳаракати вақтинча тўхтатилди. Бу ҳақда Facebook’даги «Водители Ташкента» гуруҳида фотохабарлар қолдирилган.
«Тошкентда бугун, 1 август куни тонгдан олий таълим муассасалари олдидаги бир қатор йўллар ёпилган. Суратда — Автомобиль ва йўллар институти олдидаги чорраҳа. Барча абитуриентларга омад!», — деб ёзади фотохабарлардан бирининг муаллифи.
Эслатиб ўтамиз, аввалроқ Тошкент шаҳар ҳокимлиги 1 август куни олий ўқув юртларига кириш учун тест синовлари ўтказилиши муносабати билан соат 06:00 дан тест синовлари тадбири тугагунига қадар бир қанча кўчалар бўйлаб барча турдаги транспорт воситалари ҳаракати чекланишини маълум қилган эди.
Олмазор туманида:
– Университет кўчаси бўйлаб Форобий кўчасидан Талабалар кўчасига қадар;– Шифокор 1-тор кўчаси бўйлаб Шифокор кўчасидан ТХАЙга қадар;
Мирзо Улуғбек туманида:
– Қори Ниёзий кўчаси бўйлаб Ниёзбек йўли кўчасидан Осиё кўчасига қадар;Шайхонтоҳур туманида:
– Пахтакор кўчаси бўйлаб;Учтепа туманида:
– Решетов кўчаси бўйлаб Уйғур кўчасидан Б. Носиров кўчасига қадар;Яккасарой туманида:
– Шоҳжаҳон кўчаси бўйлаб Аския кўчасидан Имом ат-Термизий кўчасига қадар;– Братислава кўчаси бўйлаб Шота Руставели кўчасидан Юсуф Хос Ҳожиб кўчасига қадар;
– Юсуф Хос Ҳожиб кўчаси бўйлаб Братислава кўчасидан Боғтепа кўчасига қадар;
Миробод туманида:
– Шаҳрисабз кўчасининг Тарас Шевченко кўчасидан Амир Темур шоҳ кўчасига қадар чеклов ўрнатилади.Хабарномада таъкидланишича, тест синовлари бўлиб ўтадиган бошқа жойларда ҳам, вазият тақозо этганда, транспорт ҳаракати вақтинча чекланиши мумкин.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)