Toshkentda OTMlarga kirish imtihonlari sabab shaharning qator ko‘chalarida transport harakati vaqtincha to‘xtatildi. Bu haqda Facebook’dagi “Voditeli Tashkenta” guruhida fotoxabarlar qoldirilgan.
“Toshkentda bugun, 1-avgust kuni tongdan oliy ta’lim muassasalari oldidagi bir qator yo‘llar yopilgan. Suratda — Avtomobil va yo‘llar instituti oldidagi chorraha. Barcha abituriyentlarga omad!”, — deb yozadi fotoxabarlardan birining muallifi.
Eslatib o‘tamiz, avvalroq Toshkent shahar hokimligi 1-avgust kuni oliy o‘quv yurtlariga kirish uchun test sinovlari o‘tkazilishi munosabati bilan soat 06:00 dan test sinovlari tadbiri tugaguniga qadar bir qancha ko‘chalar bo‘ylab barcha turdagi transport vositalari harakati cheklanishini ma’lum qilgan edi.
Olmazor tumanida:
– Universitet ko‘chasi bo‘ylab Forobiy ko‘chasidan Talabalar ko‘chasiga qadar;– Shifokor 1-tor ko‘chasi bo‘ylab Shifokor ko‘chasidan TXAYga qadar;
Mirzo Ulug‘bek tumanida:
– Qori Niyoziy ko‘chasi bo‘ylab Niyozbek yo‘li ko‘chasidan Osiyo ko‘chasiga qadar;Shayxontohur tumanida:
– Paxtakor ko‘chasi bo‘ylab;Uchtepa tumanida:
– Reshetov ko‘chasi bo‘ylab Uyg‘ur ko‘chasidan B. Nosirov ko‘chasiga qadar;Yakkasaroy tumanida:
– Shohjahon ko‘chasi bo‘ylab Askiya ko‘chasidan Imom at-Termiziy ko‘chasiga qadar;– Bratislava ko‘chasi bo‘ylab Shota Rustaveli ko‘chasidan Yusuf Xos Hojib ko‘chasiga qadar;
– Yusuf Xos Hojib ko‘chasi bo‘ylab Bratislava ko‘chasidan Bog‘tepa ko‘chasiga qadar;
Mirobod tumanida:
– Shahrisabz ko‘chasining Taras Shevchenko ko‘chasidan Amir Temur shoh ko‘chasiga qadar cheklov o‘rnatiladi.Xabarnomada ta’kidlanishicha, test sinovlari bo‘lib o‘tadigan boshqa joylarda ham, vaziyat taqozo etganda, transport harakati vaqtincha cheklanishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)