Нефть нархи 26 июль, сешанба куни долларнинг курси жаҳоннинг бошқа валюталарига нисбатан пасайиши ҳисобига бироз кўтарилди. Бироқ бозор иштирокчилари таклифларнинг ҳаддан ортиқлиги шароитида унинг бундан кейин ўсиш эҳтимолига ишончсизлик билан қарамоқда, дея хабар бермоқда «Интерфакс».
Brent маркали нефть нархи 26 июль, сешанба куни уч ой давомидаги энг паст даражага тушди. Нефть июнь ойи бошидаги энг баланд нархидан аллақачон 15 фоизга арзонлашди.
Нефтнинг Brent маркаси сентябрь фьючерслари нархи Лондоннинг ICE Futures биржасида Тошкент вақти бўйича 10:00 да баррелига 44,82 долларни ташкил этди. Бу аввалги сессиясидан 0,2 фоизга баландроқдир.
WTI маркадаги нефтнинг сентябрь фьючерслари Нью-Йорк маҳсулотлар биржасидаги савдоларда 1 центга ошиб, баррелига 43,14 долларни ташкил этди.
Изоҳ (0)