Neft narxi 26-iyul, seshanba kuni dollarning kursi jahonning boshqa valyutalariga nisbatan pasayishi hisobiga biroz ko‘tarildi. Biroq bozor ishtirokchilari takliflarning haddan ortiqligi sharoitida uning bundan keyin o‘sish ehtimoliga ishonchsizlik bilan qaramoqda, deya xabar bermoqda “Interfaks”.
Brent markali neft narxi 26-iyul, seshanba kuni uch oy davomidagi eng past darajaga tushdi. Neft iyun oyi boshidagi eng baland narxidan allaqachon 15 foizga arzonlashdi.
Neftning brent markasi sentabr fyucherslari narxi Londonning ICE Futures birjasida Toshkent vaqti bo‘yicha 10:00 da barreliga 44,82 dollarni tashkil etdi. Bu avvalgi sessiyasidan 0,2 foizga balandroqdir.
WTI markadagi neftning sentabr fyucherslari Nyu-York mahsulotlar birjasidagi savdolarda 1 sentga oshib, barreliga 43,14 dollarni tashkil etdi.
Izoh (0)