Россия футбол иттифоқи мамлакат чемпионатининг кумуш медаллар совриндори – «Ростов» клубини «Россия» сўзи битта «С» ҳарфи билан ёзилган медаллар билан тақдирлади. Бу ҳақда «Чемпионат» хабар бермоқда.
Ажратилган 40 та медалдан ташқари «Ростов» ўз бюджетидан яна 30 та медалга буюртма берганди. Аммо улар медалларни қабул қилиб олганида, ёзувларда қўпол хатога йўл қўйилгани аниқланди.
«Россия футбол иттифоқида қўшимча медалларга буюртма бериш тавсия қилинди. Биз рози бўлдик, аммо улар хатолик билан қилинган. ‘Россия чемпионати’ (‘Чемпионат России’) ўрнига ‘Росиия чемпионати’ (‘Чемпионат Росиии’) деб ёзилганди. Биз буюртмани РФИда медаллар билан шуғулланадиган ходим орқали амалга оширгандик», – деб ўз манбасининг сўзларидан иқтибос келтиради «Лайф».
Хатолик туфайли тақдирлаш давомида саккизта эсдалик медалларидан фойдаланишга тўғри келди. Ушбу медалларни клуб ходимларидан бири сувенир сифатида ўзи учун буюртма қилдирганди.
Изоҳ (0)