Мюнхендаги отишмада 6 киши ҳалок бўлгани маълум қилинди

Германиянинг Мюнхен шаҳрида содир бўлган отишма қурбонлари сони олти кишини ташкил этди. Бу ҳақда, AFP’га асосланиб, «ТАСС» хабар бермоқда.

Даставвал айрим ахборот каналлари отишмада 15 киши ҳалок бўлганини, бошқалари эса бир киши ҳалок бўлиб, ўн киши яраланганини хабар қилган, аммо полиция бу маълумотларни тасдиқламаган эди. Кейинроқ полиция қурбонлар борлигини тасдиқлади.

Эслатиб ўтамиз, Германиянинг Мюнхен шаҳридаги Olympia-Einkaufszentrum савдо марказида отишма содир бўлди. Айни пайтда полиция махсус операция ўтказмоқда, унинг тафсилотлари ошкор қилинмаяпти. Маҳаллий телевидениенинг маълум қилишича, жиноятчи ҳалигача бино ичида бўлиши мумкин.

Мавзуга оид:

• Мюнхендаги савдо марказида отишма: фоторепортаж