АҚШ термаси Рио–2016 Олимпиада ўйинларида энг кўп спортчи билан иштирок этадиган жамоа бўлади. Бу ҳақда NBC телеканалига таяниб, «ТАСС» хабар бермоқда.
АҚШ терма жамоаси таркибидан 555 нафар спортчи жой олди. Бундан аввал АҚШ термаси 2004 йили Афинада бўлиб ўтган Олимпиада ўйинларида энг кўп – 613 спортчи билан тўрт йилликнинг энг нуфузли турнирида иштирок этганди.
Рио–2016 Олимпиадасида спортчиларнинг сони бўйича Бразилия термаси (462) иккинчи, Германия жамоаси (425) учинчи бўлди. Олимпиадага 416 спортчи билан ташриф буюрадиган Хитой терма жамоаси спортчилар сони бўйича тўртинчи кўрсаткични қайд этди.
Қайд этиш жоиз, АҚШ терма жамоасининг Рио–2016 Олимпиада ўйинларига якуний таркиби бугун, 23 июль куни эълон қилинади.
Эслатиб ўтамиз, Рио–2016 Олимпиада ўйинлари 5–21 август кунлари бўлиб ўтади.
Изоҳ (0)