Мюнхендаги савдо марказида отишма: фоторепортаж

22 июль, жума куни Германиянинг Мюнхен шаҳридаги Olympia-Einkaufszentrum савдо марказида отишма содир бўлди. Полиция қурбонлар борлигини тасдиқлади.

Даставвал айрим ахборот каналлари отишмада 15 киши ҳалок бўлганини, бошқалари эса бир киши ҳалок бўлиб, ўн киши яраланганини хабар қилган, аммо полиция бу маълумотларни тасдиқламаган эди.

Гувоҳлар воқеа жойида олинган фото ва видеоларни ижтимоий тармоқларга жойлаб бормоқда.

Айни пайтда полиция махсус операция ўтказмоқда, унинг тафсилотлари ошкор қилинмаяпти. Маҳаллий телевидениенинг маълум қилишича, жиноятчи ҳалигача бино ичида бўлиши мумкин.

«Газета.ru» воқеа жойидан фоторепортаж тайёрлади.