Полиция Германиянинг Мюнхен шаҳрида жойлашган Olympia-Einkaufszentrum савдо марказида содир бўлган отишмада бир неча киши ҳалок бўлганини тасдиқлади. Бу ҳақда, Süddeutsche Zeitung нашрига таяниб, «Интерфакс» хабар бермоқда.
Илгарироқ айрим ахборот каналлари отишмада 15 киши ҳалок бўлганини, бошқалари эса бир киши ҳалок бўлиб, ўн киши яраланганини хабар қилган, аммо полиция бу маълумотларни тасдиқламаган эди.
Айни пайтда полиция махсус операция ўтказмоқда, унинг тафсилотлари ошкор қилинмаяпти. Маҳаллий телевидениенинг маълум қилишича, жиноятчи ҳалигача бино ичида бўлиши мумкин.
Шунингдек, жиноятчи метро орқали қочган бўлиши мумкин, шу боис метрополитеннинг бир нечта йўлларидаги ҳаракат вақтинчалик тўхтатиб қўйилди, бир қанча автобус ва трамвай йўналишлари бекор қилинди.
Изоҳ (0)