Чилида 70 китнинг оммавий қирилиши билан боғлиқ ҳолат текширилмоқда

Чили расмийлари мамлакат жанубида китларнинг оммавий қирилиши билан боғлиқ янги ҳолатни текширмоқда: Клементе ороли қирғоғида камида 70 жонивор ўлиги топилди. Бу ҳақда «ТАСС» хабар бермоқда.

Яқин кунларда ҳодиса жойига экспедиция жўнатилади. Унинг қатнашчилари таҳлиллар учун намуналар олади ва нобуд бўлган жониворларнинг аниқ сонини аниқлайди.

Мамлакат балиқчилик миллий хизматига кўра, китлар ҳалокатига митти сув ўтлари чиқарадиган токсинлар сабаб бўлиши мумкин. Уларнинг тезлик билан кўпайиши «қизил кўтарилиш» дея ном олади. Бундай ҳолатларда сувда токсинлар жамланиши жониворлар учун ҳалокатли бўлмоқда.