Олмаотадаги отишмада яраланган тўртинчи полициячи ҳалок бўлди

Қозоғистон Миллий хавфсизлик қўмитаси Олмаота шаҳар департаменти ва шаҳарнинг Алмали тумани полиция департаменти биноларига 18 июль, душанба куни уюштирилган ҳужум ва отишма оқибатида яраланган полиция катта инспектори Тимур Бегасилов ҳаётдан кўз юмди. Бу ҳақда Tengrinews’га таяниб, «РБК» хабар бермоқда.

Шу тариқа, ҳалок бўлганлар сони олти кишига етди. Шулардан тўрт нафари ҳуқуқ-тартибот ходимлари, бири чегарачи ва яна бири ИИВ пенсионери бўлган.

• Олмаотадаги отишмаларда ҳалок бўлганларнинг оиласига 45 минг доллар ажратилиши маълум қилинди