17 июль, якшанба куни Туркияда давлатни тўнтаришга уриниш чоғида ҳалок бўлганлардан бирининг дафн маросимида мамлакат президенти Ражаб Тоййиб Эрдўғон исён қатнашчилари учун ўлим жазосини қўллаш қайта бошланишини истисно қилмади, деб ёзади «РБК» CNN’га таяниб.
«Биз демократик давлатда халқнинг талабига беэътибор бўла олмаймиз — бу сизнинг ҳуқуқингиз», — деди Эрдўғон, яқинда Истанбулда оломон ҳукуматни эгаллаб олишга уринганлар учун ўлим жазосини қайтариш шиори билан чиққанини эслатар экан.
Шу билан бирга, Эрдўғон «ушбу ҳуқуқ тегишли органлар томонидан конституцияга мувофиқ равишда баҳоланиши кераклиги»ни таъкидлади ва ўлим жазосини киритиш қарори «қабул қилиниши мумкин» деган фикрни билдирди.
«Ҳукуматнинг барча департаментлари ушбу вирусдан тозаланади», — дея қўшимча қилди Туркия етакчиси.
Нашр эслатишича, 16 июль куни исён қатнашчилари учун ўлим жазоси киритилиши эҳтимоли ҳақида Туркия бош вазири Биноли Йилдирим ҳам айтиб ўтган эди.
Изоҳ (0)