Тошкент хўжалик суди Ўзбекистонда «Nestle Ўзбекистон» қўшма корхонасини ташкил этган Соcиéтé дес Продуиц Nestlé С.А. (Швейцария) компаниясининг Family Group компанияси томонидан савдо белгисига бўлган ҳуқуқларининг бузилиши тўғрисидаги даъвосини ижобий қондирди. Бу ҳақда, «Nestle Ўзбекистон»га асосланиб, «Газета.uz» хабар бермоқда.
Маълум бўлишича, реклама фаолияти, Family wатер сувларини ишлаб чиқариш ва сотишда Nestle савдо белгиси график элементларидан фойдалангани тўғрисидаги Family Group’га қарши даъво апрелда тақдим этилган.
Nestle Пуре Life минерал сувларига тааллуқли бўлган қўлларини юқорига кўтарган одамларнинг услублаштирилган сиймоси (бир рангда ишланган контур сурат), шунингдек, марказдан таралувчи кўк-мовий нурлар манзарасидаги айлана ана шундай қисмлардан саналади.
«Биз учун Family сувлари Ўзбекистон истеъмолчиларида катта эҳтимол билан у Nestle томонидан параллел равишда […] Nestle Пуре Life билан ёки ҳаттоки унинг ўрнига ишлаб чиқарилмоқда, деган тасаввурни уйғотиши очиқ-ойдин далил ҳисобланади», — дейилади компаниянинг даъво аризасида.
Суд Nestle’нинг даъвосини қондириш, Family Group’га реклама фаолияти, Family wатер сувларини ишлаб чиқариш ва сотишда қўлларини юқорига кўтарган одамларнинг услублаштирилган сиймоси ҳамда марказдан таралувчи кўк-мовий нурлар манзарасидаги айланадан фойдаланишни тўхтатиш мажбуриятини юклади.
«Nestle Ўзбекистон» 2002 йилдан буён Nestle Пуре Life қадоқланган сувларини ишлаб чиқаради. Family wатер эса 2015 йилдан Ўзбекистон бозорида пайдо бўлган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)