«Ўзбектуризм» миллий компаниясида Франциянинг Electron Libre Productions телестудияси продюсери Б. Гийом билан учрашув бўлиб ўтди. Унда Arte телеканали буюртмасига асосан «Буюк ипак йўли ва бошқа мўъжизалар» ҳужжатли фильми суратга олиниши билан боғлиқ ташкилий масалалар муҳокама этилди. Ушбу лойиҳа «Ўзбектуризм» ва Франциянинг Ўзбекистондаги элчихонаси ҳамкорлиги доирасида амалга оширилмоқда, дея хабар беради «Anons.uz» .
Суратга олиш ишлари 9 июлдан эътиборан Тошкент, Бухоро, Самарқанд, Фарғона ва Марғилон шаҳарларида компания ҳамда Ўзбекистон электрон ОАВ миллий ассоциацияси кўмагида бўлиб ўтмоқда. Фильм ҳар бирининг давомийлиги 26 дақиқадан бўлган 15 қисмдан иборат, суратга олиш 19 июлгача давом этади.
Сценарийга кўра, бошловчи А. де Монтескью тарихчилар, археологлар ва оддий инсонлар билан мулоқотда бўлади, ўзбек халқининг кўп асрлик анъаналари, урф-одатлари ҳақида ҳикоя қилади. Фильм Arte телеканали орқали Франция ва Германияда кўрсатилиши кўзда тутилган.
Аввалроқ Arte телеканали Ўзбекистонда «Ипак йўли бўйлаб саёҳат» номли ҳужжатли фильмни суратга олганди.
Изоҳ (0)