14 июль, пайшанба куни кечқурун Франциянинг Ницца шаҳрида одамларнинг устига бостириб борган юк машинасининг ичида шахсни тасдиқловчи иккинчи ҳужжат топилди. Бу ҳақда Франциянинг iTele телеканалига таяниб, «РБК» хабар бермоқда.
Ҳужжат кимга тегишли экани ҳозирча номаълум. Аввалроқ полиция ходимлари теракт ижрочиси шахсини ёнида олиб юрган ҳужжатлар орқали аниқлади ва унинг уйида тинтув ишларини олиб борди.
Сўнгги маълумотларга кўра, теракт оқибатида ҳалок бўлганлар сони 84 кишига етди, яна 18 киши оғир аҳволда ётибди.
Nice-Matin нашрининг қайд этишича, ҳужумни уюштирган шахс келиб чиқиши тунислик бўлган франциялик 31 ёшли Муҳаммад Лахуайеж Бухлель бўлган. Аввалроқ у қурол олиб юрганлик ва бошқа жиноятлар учун жавобгарликка тортилган, аммо улар террорчиликка алоқадор бўлмаган. Франция махсус хизмати уни кузатиб бормаган.
Изоҳ (0)