Буюк Британия бош вазири Тереза Мэй ва АҚШ президенти Барак Обама 14 июль куни бўлиб ўтган телефон суҳбатида Вашингтон ва Лондон ўртасидаги анъанавий яқин алоқаларга берилган «алоҳида муносабатлар» таърифини сақлаб қолиш заруриятини таъкидлади. Бу ҳақда Британия ҳукумати раҳбарининг расмий вакилига таяниб, «ТАСС» хабар берди.
«Улар ўзига хос муносабатларни ҳам, уларни қўллаб-қувватлаб туришни ҳам муҳим деб атади», — деди Даунинг-стритдаги қароргоҳ ходимаси.
Унинг сўзларига кўра, бош вазир Буюк Британия халқаро муаммолар, жумладан, терроризмга қарши кураш ва хавфсизликни таъминлаш бўйича АҚШнинг асосий шериги бўлишда давом этиши кераклигини, шунингдек, икки мамлакат ўртасида разведка маълумотлари алмашинуви зарурлигини таъкидлади.
Аввалроқ Консерваторлар партияси етакчиси, ички ишлар вазири Тереза Мэй расман Буюк Британия бош вазири этиб тайинланган эди.
Изоҳ (0)