Июль ойи бошида Сурхондарёга АҚШдаги Чикаго университетининг археолог олимлари ташриф буюрди, деб ёзади «Ўзбектуризм» Миллий компанияси матбуот хизмати. Уларнинг вазифаси вилоятда бундан кейинги қидирув ишларини олиб бориш учун грантлар жалб қилишдан иборат бўлди.
Олимлар Шеробод туманидаги Жарқўтон (эрамиздан аввалги XV—Х асрлар) кўҳна шаҳрида бўлди, у Ўзбекистондаги энг қадимий шаҳар ҳисобланади. Музробот туманида эса америкалик археологлар Кучуктепа (эрамиздан аввалги Х—V аср)га ташриф буюрди. Меҳмонлар, шунингдек, Кўҳна Термиз, археология музейи ва Термиз давлат университетида ҳам бўлди.
Сафар якунида вилоятнинг археолог олимлари билан учрашув ўтказилди, унда ҳамкорликда ишлаш, тарихий ёдгорликларни асраш, маданий мерос объектларини реставрация ва консервация қилиш масалалари муҳокама қилинди.
Изоҳ (0)