Доғистонда «Махачқалъа» тўдасининг раҳбари ва саккиз жангариси йўқ қилинди
Доғистоннинг Карабудахкент туманидаги аксилтеррор операцияси давомида «Махачқалъа» тўдасининг раҳбари ва саккиз нафар жангариси йўқ қилинди. Бу ҳақда «ТАСС» хабар бермоқда.
Фото: Kavkaz Today«Аксарият жангариларнинг шахслари аниқланди. Улар орасида ‘Махачқалъа’ тўдаси раҳбари Гусейн Тагиров ҳам бор. У 1986 йилда туғилган, 2014 йилдан буён федерал қидирувда эди. Унинг Бўйноқ тумани маъмурияти раҳбари ва яна бир кишининг ўлимига алоқадорлиги ҳақида маълумотлар бор. Шунингдек, у бошқа террорчилик ҳаракатларига ҳам алоқадор», – дея маълум қилинди Миллий аксилтеррор қўмитаси хабарида.
Операция бўлиб ўтган жойда кўп миқдорда қурол ва ўқ-дорилар, шу жумладан, еттита автомат, иккита тўппонча ва гранаталар топилди. Жангариларнинг икки нафар шериги қўлга олинди.
Изоҳ (0)