Жанубий Корея ҳукумати АҚШ молия вазирлигининг КХДР мансабдор шахслари, жумладан мамлакат етакчиси Ким Чен Инга қарши санкциялар киритиш ҳақидаги қарорини маъқуллади, деб ёзади «РИА Новости».
«Жанубий Корея ҳукумати АҚШнинг КХДРда инсон ҳуқуқлари бузилишига алоқадор шахсларга нисбатан санкциялар киритиш қарорини маъқуллайди», — дейилади мамлакат ТИВ хабарида.
Ҳужжатда, шунингдек, ушбу санкциялар КХДРда инсон ҳуқуқлари доимий равишда ва кенг кўламда бузилиши ҳақида дунё бўйича яхшироқ тушунчага олиб келишига умид билдирилди.
АҚШ 6 июль, чоршанба куни КХДР етакчиси Ким Чен Инга инсон ҳуқуқларини бузганлик учун санкциялар киритишга қарор қилди. Ким Чен Ин билан бирга, КХДРнинг яна ўнлаб сиёсатчилари, шунингдек, бешта корхона санкцияларга учради.