Буюк Британия дунёнинг энг йирик иқтисодиётлари рейтингидаги бешинчи ўринни Францияга бўшатиб берди. Бу ҳақда Reuters маълумотларига таяниб, «Ведомости» хабар бермоқда.
Бунга мамлакатнинг Евроиттифоқдан чиқиши арафасида фунт стерлинг курси заифлашгани сабаб бўлгани билдирилмоқда. Халқаро валюта жамғармаси Буюк Британия ялпи ички маҳсулотини ўтган йили 1,864 триллион фунт стерлингга баҳолаганди.
Дунёнинг энг йирик иқтисодиётлари рейтингини АҚШ бошқармоқда. Иккинчи ўринда Хитой, учинчида Япония ва тўртинчи ўринда Германия қайд этилган.