Facebook бориш қийин манзиллардаги аҳолини интернетдан фойдаланиш имконияти билан таъминлаш мақсадида OpenCellular симсиз алоқа нуқтасини тақдим этди. Бу ҳақда компания расмий сайтида маълум қилинди, дея хабар беради «ТАСС».
Қурилма оғир иқлим шароитлари учун мўлжалланган бўлиб, энергия манбаи сифатида аккумуляторлар, қуёш батареялари ва электр тармоқларидан фойдаланиш мумкин. Facebook етакчиси Марк Цукербергга кўра, битта OpenCellular қурилмаси 1,5 минг кишини интернетга улаш учун кифоя қилади.
Компания шу йил ёзда амалиётда қўлланиши бошланадиган OpenCellular молиявий жиҳатдан камхарж эканлигини таъкидламоқда, бироқ қурилмаларнинг нархи ва қай тарзда тарқатилишига аниқлик киритилмаган.