Тошкентдаги Ўзбекистон Миллий кутубхонасида «Тошкентнинг улкан юраги» ҳужжатли фильмининг тақдимоти бўлиб ўтди, дея хабар бермоқда «Kultura.uz». Тадбирга фильм яратувчилари, драматурглар, сценарийнавислар, иштирокчилар, кинотанқидчилар ва кутубхона фойдаланувчилари ташриф буюрди.
«Фильм даҳшатли урушнинг қонли қизил ипи билан бир-бирига чирмашиб кетган ўнлаб ҳикоялар, тақдирларни, чуқур, ўткир нигоҳли оч ва ҳуркак болалар тасвирланган уруш йиллари хроникасини ўз ичига сиғдирди», — дейилади мақолада.
Картинада уруш йилларида Ўзбекистонда яшаган, кейинчалик бошқа жойларга кўчиб кетган кишилар мамлакатнинг бағрикенг одамларига миннатдорлик сўзларини билдирган.
Таъкидланишича, тўрт йил давомида Ўзбекистон 1,5 миллион қочоқни қабул қилган. Уларнинг 400 мингини болалар, 250 мингдан ортиғини яҳудийлар ташкил этган.
Картина сценарийси таниқли журналист Б. Бобоев қаламига мансуб. Унга Ҳ. Валиев режиссёрлик қилди.
Изоҳ (0)