Ливиянинг Сирт шаҳрида ИШИД етакчиларидан бири йўқ қилинди. Бу ҳақда «ТАСС» хабар бермоқда.
Libya Observer маълумотларига кўра, ливиялик Абдулҳодий Заргун 22 июнь, чоршанба куни миллий келишув ҳукуматига бўйсунувчи ҳарбий-ҳаво кучлари зарбаси натижасида ўлдирилган. Экстремистнинг радиоэшиттириш студиясига айлантирилган уйи бомбардимон қилинган. У билан бирга яна тўрт нафар чет эллик жангари ўлдирилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)