БМТ июль ойи давомида Суриянинг 35 туманидаги 1,2 миллиондан зиёд фуқарога ёрдам кўрсатишни режалаштирмоқда. Бу ҳақда ташкилот бош котибининг гуманитар масалалар бўйича ўринбосари Стивен О’Брайен маълум қилди, дея хабар беради «ТАСС».
«19 июнда Сурия расмийларига қамалдаги, етиб бориш қийин бўлган, фронт чизиғини кесиб ўтишни талаб қиладиган аҳоли пунктларини ўз ичига олган 35 тумандаги 1 220 750 нафар фуқарога ёрдам кўрсатилишига рухсат сўралган июль ойи режаси тақдим этилди. Режа ҳеч қандай шартларсиз маъқулланиши лозим», — дея таъкидлаган О’Брайен.
У июнь режаси 34 тумандаги 1,1 миллион кишига ёрдам беришни кўзда тутганини эслатиб ўтди. Бош котиб ўринбосарига кўра, Сурия расмийлари 16 туманга тўлиқ, 13 туманга қисман боришга рухсат берган. Беш манзилга ёрдам етказилиши ман этилган.
Изоҳ (0)