Индонезиянинг Ява оролида тошқин ва ер кўчишлари қурбонлари сони 43 кишига етди, яна 19 кишини қидириш ишлари давом этмоқда, деб ёзади «РИА Новости» «Синьхуа» агентлигига таяниб.
Бедарак йўқолганларни қидиришда юзлаб қутқарувчилар қатнашмоқда. Оролнинг марказий қисми сув тошқинидан энг кўп зарар кўрди. Ер ўпирилишлари натижасида мамлакатда кўплаб йўллар ёпиб қўйилди.
18 июнь, шанбадан буён тўхтамаётган ёғингарчилик Марказий Ява вилоятида жиддий тошқинларни келтириб чиқарди. Минглаб уйлар сув остида қолди. Ҳукумат кўчада қолганлар учун вақтинчалик бошпаналар барпо этди.
Изоҳ (0)