Карелияда икки қайиқнинг ағдарилиб кетиши 15 нафар боланинг умрига зомин бўлди. Бу ҳақда Россия болалар омбудсмени Павел Астахов маълум қилди, дея хабар беради «Интерфакс».
«Охирги маълумотларга кўра, Карелияда 15 нафар боланинг жасади топилди. Ақл бовар қилмас фожиа, аламли йўқотишлар. Барча яқинларга самимий ҳамдардлик билдираман», — дея ёзган Астахов Twitter»даги саҳифасида.
Эслатиб ўтамиз, олдинроқ Россиянинг Карелия Республикасида жойлашган оромгоҳда дам олаётган 47 бола ва тўрт нафар ёши катта кузатувчидан иборат гуруҳ Сямозеро кўлидан кечиб ўтаётган пайтда пўртана бошлангани ва бунинг оқибатида 14 нафар бола чўкиб кетгани ҳақида хабар берилганди.
Изоҳ (0)