Islom.uz сайтининг савол-жавоблар бўлимига жойланган саволда фойдаланувчи рўзадор одам бир юртдан иккинчи юртга самолётда сафар қилса, ифторни қайси вақт асосида қилиши билан қизиқди.
«Рўзани очиш-очмаслик қуёшнинг ботган-ботмаганлигига боғлиқдир. Тақвимларда ёзилган вақтлар фақатгина пастдаги кишилар учундир. Шунинг учун баланд уйда яшовчилар ёки минора, тоғ каби баланд жойда турганлар пастдаги кишилар билан бир хил вақтда оғиз очмайди, балки турган жойларида қуёш ботганига гувоҳ бўлсагина оғиз очади. Самолётда кетаётганлар ҳам вақт эътиборидан эмас, балки қуёш ботганига қараб оғиз очади», — дея жавоб берди сайт маъмурияти.
Изоҳ (0)