Шимолий Корея телевидениеси илк бор баллистик ракета учирилиши видеосини намойиш этди

Шимолий Корея марказий телевидениеси илк бор апрель охирида сувости кемасидан амалга оширилган баллистик ракета учирилиши видеосини намойиш этди. Ёзувда жанговар каллак вертикал тарзда осмонга кўтарилаётгани акс этган, дея хабар беради «ТАСС».

Мазкур ҳодисага бағишланган ҳужжатли материалда 23 апрелда «Симпхо» туркумидаги субмаринадан муваффақиятли амалга оширилган синовни қирғоқдан мамлакат етакчиси Ким Чен Ин шахсан кузатгани, унга ҳарбий саноат вазири Ли Ман Гон ҳамроҳлик қилгани таъкидланган.

Шу билан бирга, Жанубий кореялик экспертлар апрелдаги синов омадсиз бўлгани, ракета талаб этилганидек камида 300 эмас, атиги 30 километр учгани ва ҳавода уч қисмга бўлиниб кетганини билдирмоқда.