Швейцарияга қўшни мамлакатлар — Австрия, Германия, Италия, Лихтенштейн ва Франция раҳбарлари 1 июнь, чоршанба куни махсус VIP-поездда янги 57 километрли Сен-Готард туннелидан ўтди, деб ёзади «ТАСС». Саёҳат, режалаштирилгани каби, 30 дақиқага яқин давом этди, бу «оддий» йўловчи вагонларига зарур бўлган 20 дақиқадан сал кўпроқдир.
Шу куни эрталаб бундай поездлардан иккитаси биринчи бўлиб Сен-Готард туннелининг иккита «қувури»дан шимолдан жанубга қараб ва аксинча йўналишда юриб ўтди, бу унинг расман очилганини билдирди.
17 йил давомида қурилган ва 12,2 миллиард Швейцария франки (тахминан 11 миллиард евро)га тушган Сен-Готард таянч туннели Цюрихдан Луганогача бўлган йўлни ҳозирги 2 соату 41 дақиқадан 2 соатгача қисқартиради. Янги магистраль бўйича мунтазам қатнов декабрда бошланади, унгача эса техник синовлар олиб борилади.
Изоҳ (0)