Ўзбекистонда ўзгаришсиз қолган қабул квотаси, қайта нашр этилган «Тафсири ҳилол», «Манчестер Юнайтед» устозига айланган Моуриньо ва куннинг бошқа муҳим янгиликлари

27 майнинг эътиборга молик янгиликлари — «Дарё»нинг кечки дайжестида.

1. 2016—2017-ўқув йилида Ўзбекистон ОТМларига 57 907 нафар талаба қабул қилинади. Эслатиб ўтамиз, ўтган йилги қабул квотаси ҳам худди шу миқдорда эди.

2. Шайх Муҳаммад Содиқ Муҳаммад Юсуфнинг «Тафсири ҳилол» китоби қайта нашр этилди. Ушбу тўпламни фақатгина «Ҳилолнашр» нашриёт уйи дўконларидан харид қилиш мумкин.

3. Ўзбекистонда газ-баллон ускунаси ўрнатилган автомобилларга «Диққат газ» белгисини қўйиш таклиф этилди. Автотранспорт воситаларига ўрнатилган газ-баллонларнинг барчаси вақти-вақти билан техник кўрикдан ўтказилади.

4. Украинада 1941—1945 йиллардаги урушда қатнашган ўзбек аскарининг жасади қолдиқлари топилди. Ўзбекистонлик аскар 1943—1944 йилларда Украинанинг Винница вилоятини фашист оккупантларидан озод қилиш вақтида ҳалок бўлган.

5. Жозе Моуриньо расман «Манчестер Юнайтед» бош мураббийи этиб тайинланди. Душанба куни «МЮ» раҳбарияти голландиялик мутахассис Луи ван Гални бош мураббий лавозимидан озод этганди.

Диққат, диққат! «Дарё»нинг Telegram’даги расмий канали — «Тошқин ‘Дарйў»га обуна бўлиб, янгиликлардан овозли кўринишда баҳраманд бўлишингиз мумкин.