Ўн нафар бола ва катта ёшли киши Парижда 28 май, шанба куни чақмоқ зарбидан жабрланди. Ҳодиса Франция пойтахтининг шимоли-ғарбий қисмида жойлашган Монсо боғида рўй берди, деб хабар беради «ТАСС».
Олти нафар бола ўта оғир ҳолатда касалхонага етказилган. Момақалдироқ болалар боғда ота-онаси билан туғилган кунни нишонлаётганда бошлангани билдирилмоқда. Парижда момақалдироқ узоққа чўзилмаган, бироқ жуда кучли бўлган. Аҳоли бу ҳақда олдиндан огоҳлантирилган.
Момақалдироқ дўл аралашган ҳолда бутун мамлакат бўйлаб уч кундан бери давом этмоқда. Франциянинг Швейцария билан чегараси яқинидаги туманлардан бирида 1500 дан зиёд чақмоқ зарби қайд этилган.
Изоҳ (0)