Uch yoshli bolakay 28-may, shanba kuni AQShning Sinsinnati shahri (Ogayo shtati) hayvonot bog‘idagi gorilla maydonchasiga kirib qoldi. Xarambe laqabli 17 yoshli maymun uni qo‘liga olib, o‘n daqiqacha ko‘tarib yurdi, deb xabar beradi “TASS”.
Bolani qutqarish uchun bog‘ xodimlari Xarambeni otib o‘ldirishiga to‘g‘ri keldi, jabrdiyda esa arzimas jarohatlar bilan kasalxonaga yotqizildi. Muassasa direktori Teyn Meynardning aytishicha, 180 kilogrammdan ortiq bo‘lgan gorilla to‘siq ostidan emaklab o‘tib, maydoncha hududidagi suv to‘ldirilgan handaqqa dumalab tushgan bola hayotiga xavf tug‘dirishi mumkin edi.
“Xodimlarim murakkab, ammo to‘g‘ri qaror qabul qildi. Garchi oldin bunga hech qachon duch kelmagan bo‘lsak-da, bizda shunday vaziyatlarda qanday yo‘l tutish zarurligi belgilab berilgan ko‘rsatmalar bor”, — deb ta’kidladi Meynard.
Izoh (0)