НАТО собиқ бош котиби Андерс Фог Расмуссен Украина президенти Пётр Порошенко томонидан штатдан ташқари маслаҳатчи этиб тайинланди. Бу ҳақда «Корреспондент.net» хабар бермоқда.
Расмуссен Twitter’даги саҳифасида мазкур тайинланишни мамнунлик билан қабул қилганини қайд этган. «Хавфсизлик, иқтисодий ислоҳотлар ва ЕИ билан алоқаларни мустаҳкамлаш учун барча имкониятларимни ишга соламан», — дея ваъда берган собиқ котиб.
Маълумот учун, Расмуссен 2001—2009 йилларда Дания ҳукуматини бошқарган, 2009—2014 йилларда НАТО бош котиби бўлган.
Изоҳ (0)