Супероғир вазндаги россиялик боксчи Александр Поветкиннинг мельдонийга топширган «Б» допинг намунаси ижобий натижа берди. Бу ҳақда ESPN нашрига таяниб, «ТАСС» хабар бермоқда.
Кейинроқ ESPN телеканали, Поветкиннинг 27 апрель куни топширган допинг-тести ижобий чиққани, унинг 7, 8 ва 11 апрель кунлари топширган допинг-тести эса салбий натижа кўрсатганини маълум қилиб, россиялик боксчи 11–27 апрель оралиғида мельдоний қабул қилган, деган хулосага келганди.
Уайлдер вакиллари жанг бекор қилингани учун 4,6 миллион доллар товон пули талаб қилишини маълум қилган. Кейинроқ WBC Уайлдер – Поветкин жанги қолдирилгани учун америкалик боксчи ихтиёрий ҳимоя жангини ўтказиши кераклигини таъкидлаган.Александр Поветкин WBC чемпионлик камарига мажбурий даъвогар саналади. У ташкилотнинг супероғир вазн тоифаси рейтингида биринчи ўринни эгаллаб турибди. 2004 йили Афинада ўтказилган Олимпиада чемпиони бўлган 36 ёшли россиялик боксчи профессионал рингда 31 жанг ўтказиб, 30 та ғалабага (шулардан 22 таси нокаут билан) эришган ва бир марта мағлубиятга учраган. 30 ёшли Уайлдер 2015 йилда WBC чемпионига айланган. 2008 йили Пекинда бўлиб ўтган Олимпиаданинг бронза медали соҳиби профессионал рингда 36 та жангнинг барчасида (35 тасида нокаут билан) зафар қучган.
Изоҳ (0)