Toshkentning Sebzor ko‘prigida 24-may, seshanba kuni deyarli bir vaqtda uchta yo‘l-transport hodisasi yuz berib, ularda kamida 13 avtomobil ishtirok etdi. Hodisa videosi Facebook’dagi “Voditeli Tashkenta (Drivers.uz)” guruhida e’lon qilingan.
To‘qnashuvlarning bari Sebzor dahasidan Hadra maydoni yo‘nalishi bo‘ylab yuz bergan. Dastlabki YTH natijasida Cobalt, Spark, Lacetti va katta ehtimol Epica avtomobillari oldinma-ketin to‘qnashgan.
Ulardan ko‘p yurmay, ikkita Spark, ikkita Nexia, bittadan Matiz va Epica ishtirokidagi YTHga guvoh bo‘lish mumkin. Uchinchi avariya natijasida ikkita Spark va bitta Cobalt ketma-ket to‘qnashuv sodir etgan.
Ijtimoiy tarmoq foydalanuvchilarining qayd etishicha, mazkur yo‘l-transport hodisalari haydovchilar tomonidan avtomobillar o‘rtasidagi oraliq masofani saqlamaslik oqibatida yuz bergan.
Izoh (0)