Американинг Нью-Жерси штати Уэст-Лонг-Бранч шаҳри суди маҳаллий фуқаро АҚШ президентлигига Республикачилар партиясидан даъвогар Дональд Трампни қўллаб-қувватлаш белгиси сифатида ўз уйидаги майсазорга байроқ ўрнатгани учун уни қамаб ёки жаримага тортиб ўтирмади, деб ёзади «ТАСС».
Жозеф Хорникдан айбловлар олиб ташланди. У Уэст-Лонг-Бранч шаҳар кенгашининг бирламчи сайловлар (праймериз)га 30 кун қолмагунича сиёсий ташвиқотни тақиқлаш тўғрисидаги буйруғини бузишда айбланган эди. Нью-Жерсидаги праймериз 7 июнда бўлиб ўтади. Хорник жиноят устида 25 мартда қўлга тушган эди, уни Демократик партия тарафдори бўлган қўшниси «чақиб берди».
Шаҳар кенгаши тақиқ доирасида майсазорга ёки уй ёнидаги ёғочга ўрнатилган байроқларни фарқламайди. Аммо америкаликнинг адвокати ушбу нюанс шаҳар бошлиқлари буйруғида аниқ қилиб кўрсатилмаганини исботлашга муваффақ бўлди. Судья буйруқдаги жумла мужмал эканлигига қўшилди ва «ҳуқуқ тантанаси учун» ишни ёпди.
Хорник уч ойга қамалиши ва 2 минг доллар жаримага тортилиши мумкин эди.
Изоҳ (0)