ЕИ КХДР санкцион рўйхатига 18 жисмоний шахс ва бир компанияни қўшди

Европа Иттифоқи Шимолий Кореяга нисбатан амал қиладиган қора рўйхатга 18 жисмоний ва бир юридик шахсни қўшиб қўйди. Бу ҳақда, ЕИ Кенгаши хабарига асосланиб, «ТАСС» ёзмоқда.

«2016 йилнинг 19 май куни Кенгаш ЕИнинг КХДРга қарши чеклов чораларига тушадиганлар рўйхатига 18 кишини ва бир компанияни қўшди. Бу чоралар ЕИнинг БМТ Хавфсизлик Кенгаши резолюциялари асосида жорий этилган санкциялар режимини тўлдиради», — дейилади расмий баёнотда.

2 март куни Хавфсизлик Кенгаши КХДРга нисбатан санкцион чораларни қаттиқлаштириш бўйича 2270-сонли резолюцияни бир овоздан қабул қилди. Бунга Пхеньян томонидан олиб ривожлантирилаётган ядровий дастур сабаб бўлмоқда.