Россиянинг Доғистон республикаси, Дербент шаҳрида жангарилар билан отишмада шаҳар жиноий қидирув бўлими бошлиғи ва махсус бўлинма жангчиси ҳалок бўлди. Бу ҳақда «Ведомости» хабар бермоқда.
«Интерфакс» манбаларига кўра, яна 12 нафар полиция ходими касалхонага ётқизилган. Дербент полициясининг ҳудудий ходимлар хизмати бошлиғи жароҳатлари оғирлиги, шаҳар ИИБ бошлиғининг ҳолати эса барқарор эканлиги билдирилмоқда.
14 май, шанба куни маҳаллий вақт билан 11:30 атрофида Дербент кўчаларидан бирида жиноятчилар полиция ходимларига граната улоқтирган ва ўт очган, бунинг оқибатида уч полициячи яраланган. Шундан сўнг жангарилар ишғол этган квартира қамали бошланганди.
Изоҳ (0)