Австралиянинг Перт шаҳрида яшовчи беш фарзанднинг онаси биринчи марта кичкинтойлар билан фотосессияда қатнашди. Facebook’да чоп этилган суратлар ижтимоий тармоқ фойдаланувчилари эътиборини қозонди, деб ёзади Daily Mail.
26 ёшли Ким Туччи оч рангдаги йўргакларга ўралган чақалоқлари билан бирга суратга тушди. Туччи бунгача ҳам болаларнинг расмларини ижтимоий тармоқда эълон қилган бўлса-да, бу уларнинг беш фарзанди учун илк профессионал фотосессияга айланди.
Эслатиб ўтамиз, Ким ва Вон Туччи 2016 йил январида икки дақиқа ичида беш нафар эгизак фарзанд — тўрт қиз ва бир ўғилли бўлган эди. Ким Туччининг аввалдан уч боласи — икки қизи ва бир ўғли бор эди. Таъкидланишича, у турмуш ўртоғи билан оиласи яна бир ўғил фарзанд билан кенгайишини орзу қилган. Шифокорлар эса унга эгизак фарзандлар кутаётганини маълум қилган.
Изоҳ (0)