Avstraliyaning Pert shahrida yashovchi besh farzandning onasi birinchi marta kichkintoylar bilan fotosessiyada qatnashdi. Facebook’da chop etilgan suratlar ijtimoiy tarmoq foydalanuvchilari e’tiborini qozondi, deb yozadi Daily Mail.
26 yoshli Kim Tuchchi och rangdagi yo‘rgaklarga o‘ralgan chaqaloqlari bilan birga suratga tushdi. Tuchchi bungacha ham bolalarning rasmlarini ijtimoiy tarmoqda e’lon qilgan bo‘lsa-da, bu ularning besh farzandi uchun ilk professional fotosessiyaga aylandi.
Eslatib o‘tamiz, Kim va Von Tuchchi 2016-yil yanvarida ikki daqiqa ichida besh nafar egizak farzand — to‘rt qiz va bir o‘g‘illi bo‘lgan edi. Kim Tuchchining avvaldan uch bolasi — ikki qizi va bir o‘g‘li bor edi. Ta’kidlanishicha, u turmush o‘rtog‘i bilan oilasi yana bir o‘g‘il farzand bilan kengayishini orzu qilgan. Shifokorlar esa unga egizak farzandlar kutayotganini ma’lum qilgan.
Izoh (0)