Зинедин Зидан «Валенсия»га қарши ўйинда «Реал»нинг етакчиларига дам беради

Мадриднинг «Реал» клуби бош мураббийи Зинедин Зидан «Валенсия»га қарши кечадиган Испания чемпионатининг 37-турида таркибга жиддий ўзгартиришлар киритмоқчи, деб хабар беради «Uff.uz».

Франциялик мутахассис 28 май куни Милан шаҳрида бўлиб ўтадиган «Атлетико»га қарши Европа Чемпионлар Лигаси финал ўйини олдидан жамоа етакчиларига дам бермоқчи.

Жароҳати туфайли Кейлор Навас ва Гарет Бэйл «Валенсия»га қарши учрашувда майдонга тушмайди. Уларнинг ўрнини катта эҳтимол билан тегишли равишда Кико Касилья ва Лукас Васкес эгаллайди. Даниэль Карвахаль ҳам учрашувда иштирок этмайди.

Карим Бензема ва Каземиро жароҳатларидан фориғ бўлган, аммо улар ҳам асосий таркибдан жой олмаслик эҳтимоли бор.

«Реал» – «Валенсия» учрашуви 8 май, якшанба куни «Сантьяго Бернабеу» стадионида бўлиб ўтади. Ўйин Тошкент вақти билан соат 20:00 да бошланади.