Канада бош вазири Обама ва шаҳзода Гаррининг Twitter-жангига жавоб қайтарди

Канада бош вазири Жастин Трюдо АҚШ президенти Барак Обама оиласи ва Буюк Британия қироллик оиласи ўртасидаги ҳазилона Twitter-жангга жавоб қилди, деб ёзади Meduza.

Ўз видеожавобида Трюдо Канада нимага қодирлигини кўрсатиб қўймоқчилигини маълум қилди, у бунда ногирон ҳарбий хизматчилар учун мўлжалланган Invictus Games мусобақаларини назарда тутди.

Шундан сўнг Канада бош вазири ертуртки (отжимание) машқини бажарди ва «бум» дея «микрофонни ташлаб юбориш» ҳаракатини кўрсатди.

https://twitter.com/JustinTrudeau/status/727207562479734784

«Микрофонни ташлаб юбориш» — рэперларга хос тажовузкорона хатти-ҳаракат бўлиб, у ижро якунланганини билдиради.

Аввалроқ Барак ва Мишель Обама ҳам шаҳзода Гаррига мурожаатида шундай ҳаракатни амалга оширган эди. Бунга жавобан, Елизавета II видео эълон қилди, унда: «Бум, жиддиймисиз? Қўйсангиз-чи», — дея хитоб қилди.

https://twitter.com/KensingtonRoyal/status/726062251354914817